滿貫：老大哥經驗傳承 引爆年輕球員小宇宙接棒

香港籃球男子高級組 #銀牌賽 得以在疫情限制下完成。#甲一聯賽 緊接開鑼，十支球隊早於兩年前已經準備就緒，奈何要苦候兩季方可會師灣仔修頓室內場館競逐甲一聯賽冠軍錦標。

於2018年球季橫空出世的 #滿貫 彷如在本地籃圈投下震撼彈，當年以升班馬姿態初登甲一舞台就躋身聯賽前列，嘗試動搖 「紅黃壟斷」傳統，更挑戰著東方職業球隊的實力。來勢洶洶的滿貫於2019年球季先後取得高級組銀牌賽亞軍、聯賽常規賽季軍以及季後賽總決賽亞軍的好成績。

不過，滿貫並未甘心屈居次位，球季結束後旋即出手招兵買馬。大手交易邀請聯賽MVP #蔡再懃 過檔，其後再請到兩位永倫內線球員 #方誠義 及 #黃鎮煒 ，從KBL回流香港的 #周健宏 最後亦落戶滿貫，而 #何倚富 #何倚楊 兩兄弟亦從南青來投，加上從東方龍獅找來 #鄧志恆 ,整體陣容大革新。看似是新舊球員共冶一爐，但配合球隊原有班底 #歐陽維江 #林凱光 #張彬賢 等，有點「披上滿貫球衣的港隊」的意味。

除了球員陣容升級，教練亦換上有聯賽冠軍履歷的朱Sir #朱耀明 他也是2017年協助滿貫從甲二升上甲一組別的教練。

然而，「半隊港隊」加上冠軍教頭在剛完成的銀牌賽仍然未能擺脫「老二」的命運。滿貫受傷情況比預期多，當中周健宏在十月初對永倫一役阿基里斯跟腱斷裂尤其關鍵。但損兵折將後的「全華班」陣容仍能捧走銀牌亞軍，教練球員都「收貨」，尤其於銀牌總決賽再撼南華即使第二度戰敗，卻大大提振球隊軍心。

蔡再懃 「銀牌賽可能係一個試驗，其實真正挑戰係聯賽。其實整體滿意，好遺憾喺第二場未攞到過一場波，其實有機會嘅，第一場輸38分，第二場追和，其實調整尚算可以，包括教練球員其實都搏老命，所以，呢個成績我接受嘅。」

「接受」不代表沒有更大的野心，重金禮聘下成軍的陣容苦苦等候兩年，爭標決心不容小覷。而冠軍以外，球隊長遠的持續發展也是考量因素。

朱耀明教練 「疫情許可之下我地已經開始練習，我地黎講對球隊進步好渴望，唔係淨係想話攞個冠軍咁簡單，希望球隊可以有競爭力去同人地打，唔係話某一年可以同人地打，希望可以長遠啲，所以我地喺可以的情況下都冇停止咁樣去。」

歐陽維江 「因為我地有啲好有經驗，其實阿懃（蔡再懃）、阿GA （方誠義）、肥煒（黃鎮煒）佢地都好有經驗，點樣將佢地啲潛能引發出黎，如果可以令年輕或者後備球員，將佢地最好一面表現出黎，訓練次數或者強度可能我地未必夠東方南華咁多，但我地其實好多好有潛質球員，希望佢地黎緊可以貢獻多啲比球隊。」

傳統老牌球會都有自己的青訓體系，不過滿貫前身是成立於 2013年的乙組球隊「墾丁」，2016年才正式易名「滿貫」。球會年資尚淺沒有一脈相承的青訓，滿貫選擇球員時，出手目標要不就是經驗豐富的資深球員，要不就是非常年輕的潛力球員，實行青黃相接球隊內部「以老帶新」傳承經驗。

歐陽維江 「我唔敢講我好老資歷，不過將之前有嘅經驗，希望帶到啲正面信息比啲年輕球員，希望引發佢地嘅小宇宙，因為自己畢竟都老啦，體能上可能真係欠缺左啲，但希望喺經驗上，激勵佢地方面會做多少少。」

方誠義 「其實我黎到呢度，可能經驗上啦，經驗始終打左咁多年，又冠軍賽咁樣各樣，臨場發揮可能會提點佢地多啲，停左兩年，滿貫之前攞第二佢地唔係冇機會，而係真係可能臨場比賽個經驗上，喺冠軍賽經驗上少左啲，今年黎咗對大家黎講，我年資、年紀上，又打過決賽，打過職業（隊）較為多啲，會分享得多啲比佢地囉，可能子健（譚子健）呀、阿賢（張彬賢）呀，落到場要做咩，練波時要做咩，要多啲提點佢地。」

疫情期間，不少球員都不甘在這場漫長的等待中虛耗，尤其正值籃球生涯黃金年齡的球員，都試圖透過自主練習提升個人能力。然而，籃球是團隊運動，沒有足夠賽事累積臨場經驗、訓練球場內的視野、閱讀對手並相應調整的能力，個別球員自主訓練的汗水很難轉化成整個球隊的勝仗。

滿貫與南華在銀牌賽中兩度碰頭，滿貫從「38分大敗」，用了不足兩周時間調整至「賽事尾段追和」。滿貫在銀牌賽汲取教訓，再經這三個星期繼續發酵並打磨球隊細節，聯賽開鑼後透過與不同程度球隊對壘，讓資深球員帶動年輕球員在賽事中成長，滿貫不但可以是爭標「黑馬」，更可以自成體系持續發展。

何倚富 「細微位如把握力，或者膽量，我覺得自己爭個膽量，好多時都好手緊，唔夠膽做一啲決定。打波我係比較保守少少，所以通常都係做波比隊友多，先諗隊友，再諗自己 ⋯⋯ 聯賽要對自己有信心啲，自己喺射波呢方面都落左好多苦工。」

不得不說，滿貫尚有「外援球員」這個壓箱寶未用，先不論最後人選誰屬，滿貫在聯賽的表現及成長亦相當值得期待。

朱耀明教練 「外援球員就一路都好努力緊，始終香港個外援規章，我地又限制於疫情問題，變左可能少啲選擇，或者難啲安排，但我地都會努力嘅。」

_ #滿貫籃球隊 ＠ty.basketball 球員名單： #0 葉俊傑 ＠i.c.kit #6 方誠義 @gax2 #8 林俊光 @baogor8 #9 何倚富 @hoyeefu09234512 #10 張偉康 @c.w.h.10 #14 鄧志恒 @be.with.tank #18 張彬賢 @17_yin #27 蔡再懃 @tsaichoikwan #29 黃鎮煒 @fatlowai29 #41 歐陽維江 @jasper_auyeung #98 何倚楊 @hoyeeyeung

_ Christine Yu 余莉筠 Shotcourt Photography #支持本地籃球 #籃球種族實地報導 #香港籃球 #ReporterYLK #hkbasketball #basketball #basketballclanhk # #